الحكاية من البداية
لما كنا صغيرين
كنا نجرى فى الشوارع
كنا نلعب طيارين
كنا نعمل كل حاجة
كنا فعلا مجانين
وفى المدارس بالمشاغبة
كنا دايما معروفين
واما تيجى اى حصة
بنبقى بره مطرودين
والبطاطة نشتريها
لما نبقى مروحين
كنا قلوب دايما فرحانة
كنا بجد مبسوطين
كنا عيون مليانة براءة
كنا لسه مش شايفين
كنا كمان بنخاف على بعض
كان فى بينا حب ووعد
دى الحكاية من البداية
لما كنا من سنين
كنا لسه صغيرين