بشوف الودع

اشوف الودع
ببين زين واشوف الودع
وف مرة صادفنى جدع
قلتله ارمى بياضك
تنول مرادك
واقولك مين اللى سابك
وقدر على بعادك
ام بصلى بسخرية
وقالى قولى يا ولاية
من غير مطولى عليا
قلتله كفك صغير
وقلبك كبير
يساع من الحبايب
مية وعشرين
ضحك الجدع
قلتله مسافر بعيد
وعايش وحيد
ومنتش سعيد
ضحك الجدع
ضحكه عليا حيرنى
وسالته ليه مقدرنى
ولو غلطت عرفنى
قالى اصل الجدع
اللى فيكى ما اتخدع
هو كمان بيشوف الودع