بستغربك يا دنيا
لما الاقيكى كل يوم بحال
واللى زمان كان شىء محال
دلوقتى ممكن واحتمال
بستغربك يا دنيا
لما بكون تايه محتار
مش عارف اخد حتى قرار
وافضل افكر ليل ونهار
والاقينى ف اخر المشوار
صعب عليا انى اختار
بستغربك يا دنيا
لما بكون فعلا زعلان
واما تكون جوايا احزان
واما بكون مجبر على انى
ان الضحكة فى وشى تبان
طب مانا فى الاخر انسان
بستغربك يا دنيا
لما بفكر ايه هيكون
وارسم حلم وورد بالون
واصبح الاقى قلوب بتخون
واحلام ومشاعر بتهون
واطلع ف الاخر مجنون
بستغربك يا دنيا
لما بترمى عليا حمول
واما طريق قدامى يطول
واما الصدفة كتير تجمعنى
باللى فاتونى زمان وخانونى
وافضل ساكت عندى ذهول
بستغربك يا دنيا
مهما قلت ومهما
هقووووووووول
1 comment:
السلام عليكم
ايه الاخبار
بقتى تعملى بلوج جديد وما تقوليش لحد
لوك
على العموم مبروك للبلوج الجديد
ومستنين الجديد اللى فيه
وصور الاطفال اللى مش عارف بتجبيهم منين
انا بقى تقريبا مش فاضى اكتب حاجة فى البلوج بتاعى
ههههههههههه
بس ربنا يسهل
والسلام..........
Post a Comment